Биыл мектебіміз маңызды дата — құрылғанына 90 жыл толуын атап өтуде.
Мерейтой аясында игі бастамаларды біріктіретін
«36 идея, 36 жоба, 36 шабыт» жобасы жүзеге асырылуда.

Жобалардың бірі ретінде 36-мектептен 36 құс ұясы жасалып, табиғатқа қамқорлықтың символына айналды.

Бүгін біз осы дәстүрді жалғастырып, сіздерді жаңа бастамаға қатысуға шақырамыз:

«36 мектепке – 36 гүл»

Біздің мақсатымыз — мектепте жайлы, заманауи және экологиялық орта қалыптастыру.
Тірі өсімдіктер интерьерді көркейтіп қана қоймай, ауаны тазартып, балалардың қоршаған ортаға деген жауапкершілігін арттырады.

Осыған орай, әр сыныпты, сондай-ақ ата-аналар мен мектеп түлектерін
кемінде бір бөлме гүлін сыйға тартуға шақырамыз.

 Рәсімдеуге қойылатын талаптар:

• өсімдік — ірі, сау, биіктігі 80 см және одан жоғары;
• кашпо (құмыра) — ақ түсті, жылтыр, суретсіз және әшекейсіз,
  биіктігі — 57,5 см, диаметрі — 29 см.

Біркелкі безендіру мектеп дәліздерінде стильді әрі үйлесімді орта қалыптастыруға мүмкіндік береді.

Барлық сұрақтар бойынша жауапты тұлғаға хабарласуға болады:
Мадина Дюсембековна +7 747 423 60 31

Бірге мектебімізді одан әрі көрікті, жайлы және жасыл етейік!

Құрметпен, Мектеп әкімшілігі